Pan fyddwch yn rhentu gennym ni, nid yw eich taliad rhent yn cynnwys yswiriant.

Dylech ystyried yr hyn a gwmpesir gan yswiriant cynnwys cartref fel y gallwch wneud penderfyniad gwybodus ynghylch a oes ei angen arnoch.

Mae yswiriant cynnwys yn diogelu’r pethau sy’n eiddo i chi.  Mae yna risg bob amser y gallai eich eiddo gael ei dorri, ei ddifrodi neu ei ddwyn, hyd yn oed os ydych yn ofalus iawn.

Ynglŷn â’r cynllun yswiriant cynnwys y cartref

Mae Cynllun Yswiriant Cynnwys y Cartref Risgiau Tenantiaid Thistle yn gynllun yswiriant arbenigol ar gyfer tenantiaid tai cymdeithasol. Os ydych yn denant Cyngor Caerdydd, gallwch wneud cais am y cynllun.

Os ydych yn rhentu llety dros dro neu eiddo sydd wedi’i ddodrefnu, nid ydych yn gymwys ar gyfer y cynllun.

Mae’r yswiriant yn cynnwys eitemau yn eich cartref, megis:

  • dodrefn,
  • carpedi,
  • llenni,
  • dillad,
  • dillad gwely,
  • eitemau trydanol,
  • gemwaith,
  • lluniau, ac
  • addurniadau.

Mae’r polisi wedi’i gynllunio i ddiwallu anghenion tenantiaid tai cymdeithasol.

Mae yswiriant yn amodol ar delerau, amodau, cyfyngiadau a gwaharddiadau yn y Llyfryn Polisi Cynllun Yswiriant Cynnwys Cartref (742kb PDF).

Os nad ydych yn siŵr a yw’r polisi hwn yn iawn i chi, cysylltwch â ni.

Gallwch weld polisi preifatrwydd diogelu data Gwasanaethau Yswiriant Thistle.

Manteision y cynllun​

  • Dim tâl ychwanegol i’w dalu pe baech yn gwneud hawliad
  • Mae lladrad, difrod dŵr, tân a llawer mwy o risgiau i’r cartref yn cael eu cynnwys.
  • Mae gwelliannau gan denantiaid wedi’u cynnwys. Mae hyn hyd at £2,000 neu 20% o’r swm a yswirir, pa un bynnag sydd fwyaf.
  • Mae lladrad neu ymgais i ladrata cynnwys mewn siediau, adeiladau allanol a garejys wedi’u cynnwys.  Mae hyn hyd at £2,000.
  • Mae difrod i wydriad allanol, yr ydych yn gyfrifol amdano wedi’i gynnwys.
  • Mae newid cloeon a gosod cloeon newydd ar gyfer drysau  allanol a larymau os yw allweddi’n cael eu colli neu eu dwyn wedi’u cynnwys.
  • Nid oes angen cloeon drws neu ffenestri arbennig.  Mae ond arnoch angen drws ffrynt y gellir ei gloi. ​

Cost

Mae premiymau yn dechrau o 76c yr wythnos am werth £6,000 o yswiriant safonol.

Ar gyfer yswiriant difrod damweiniol estynedig, mae’r premiymau yn dechrau o 91c yr wythnos.

Gall pob tenant wneud cais, beth bynnag fo’u hoedran.

Darllenwch y ffurflen gais am fwy o wybodaeth.

Sut i wneud cais

Cyn gwneud cais, darllenwch y canlynol:

Mae’r wybodaeth a geir yn y dogfennau hyn wedi’u dylunio i’w hargraffu. Mae’n bosib na fydd modd gweld popeth ar-lein.

I ymgeisio, cwblhewch y ffurflen gais (1.3mb PDF) ac ewch â hi i’ch Hyb lleol neu anfonwch hi at:

Swyddog Yswiriant Cynnwys Cyngor Caerdydd
Tîm Rheoli Rhent
Ystafell 342
Neuadd y Sir
Caerdydd
CF10 4UW

Gallwch hefyd gasglu cais papur oddi wrth eich Hyb lleol neu cysylltwch â ni i gael copi drwy’r post.

Trefnir y polisi yswiriant a ddarparwn ar sail nad yw’n cael ei argymell. Byddwch yn cael gwybodaeth allweddol fel y gallwch wneud penderfyniad gwybodus ynghylch pa yswiriant sydd orau i chi.

Beth i’w wneud os oes gennych gŵyn

Os oes gennych unrhyw gwestiynau, pryderon, neu gwynion am y polisi, dilynwch weithdrefn gwyno Gwasanaethau Yswiriant Thistle.

Gwneud cwyn i’r cyngor:
Gallwch wneud cwyn i ni ar-lein.

Cysylltu â ni

Os oes gennych unrhyw gwestiynau, cysylltwch â ni.

Ffôn: 029 2053 7382
E-bost: TimRheoliRhent@caerdydd.gov.uk​