Mae Deddf Rhentu Cartrefi (Cymru) 2016 yn ddeddfwriaeth newydd a gyflwynwyd ym mis Rhagfyr 2022 yng Nghymru.
Beth yw’r newidiadau a fydd yn effeithio arnoch chi fel tenant y Cyngor?
Cyngor Caerdydd fydd eich landlord o hyd a byddwn yn rhoi ‘contract meddiannaeth’ i chi, a fydd yn cymryd lle eich cytundeb tenantiaeth cyfredol. I’r rhan fwyaf o breswylwyr, contract diogel fydd hwn.
Os oes gennych gytundeb tenantiaeth rhagarweiniol, byddwch yn cael contract safonol rhagarweiniol. Bydd hwn yn dod yn gontract diogel 12 mis ar ôl i’ch tenantiaeth ragarweiniol ddechrau.
Cyfeirir at denant fel ‘deiliad contract’ bellach. Bydd y Cyngor yn cael ei adnabod fel ‘landlord cymunedol’ yn lle ‘landlord cymdeithasol’.
Bydd eich contract meddiannaeth newydd yn cynnwys eich hawliau a’ch cyfrifoldebau chi fel deiliad contract, a’n dyletswyddau ni fel eich landlord.
Beth na fydd yn newid i chi fel tenant?
- Ni fydd eich landlord o hyd, a’r un yw eich hawl i aros yn eich eiddo. Byddwch yn derbyn yr un gwasanaethau tai.
- Bydd rhenti’r Cyngor yn parhau i gynyddu yn unol â Pholisi Rhenti Cymdeithasol Llywodraeth Cymru. Byddwch yn cael gwybod am unrhyw gynnydd o leiaf 2 fis ymlaen llaw.
- Nid yw cyfnodau rhybudd wedi newid. Os ydych am ddod â’r contract i ben, rhaid i chi roi pedair wythnos o rybudd i ni’n ysgrifenedig.
- Gallwch dal i wneud cais i symud o’ch cartref i eiddo cyngor arall, naill ai drwy ymuno â’r rhestr aros neu gyfnewid eich cartref gyda pherson arall. Trosglwyddo yw hyn, ond mae’n rhaid i chi gael caniatâd gennym ni cyn i chi wneud hyn.
- Os ydych yn derbyn budd-daliadau lles, ni fyddant yn cael eu heffeithio.
Dysgwch fwy am y Ddeddf Rhentu Cartrefi.
Cysylltu â ni
Ffôn: 029 2053 7501
E-bostiwch RheoliTenantiaethau@caerdydd.gov.uk
Ewch i unrhyw Hyb Cymunedol.
