Mae Rhentu Doeth Cymru yn helpu landlordiaid ac asiantau yng Nghymru i gydymffurfio â Deddf Tai (Cymru) 2014. Rydym yn rhoi cyngor ar rentu cartrefi iach a diogel.
Gallwch fynd i gofrestr gyhoeddus Rhentu Doeth Cymru i weld a yw eich landlord neu asiant yn cydymffurfio.
Cofrestriad Landlord
Os ydych chi’n landlord yng Nghymru, mae angen i chi gofrestru gyda Rhentu Doeth Cymru. Mae hyn yn golygu dweud wrthym pa eiddo rydych chi’n berchen arnynt ac ar ba drefniadau perchnogaeth.
Trwyddedu landlordiaid ac asiantau
Mae angen trwydded landlord neu asiant arnoch os ydych yn gosod a/neu’n rheoli eiddo yng Nghymru. Mae gweithgareddau gosod a rheoli yn cynnwys trefnu tenantiaethau, casglu rhent ac ymdrin ag unrhyw faterion sydd wedi’u codi yn ystod y denantiaeth.
Fel rhan o’r cais am drwydded, bydd angen i chi gwblhau hyfforddiant cymeradwy hefyd.
Gorfodi a chydymffurfio
Mae Rhentu Doeth Cymru yn gweithio gydag awdurdodau lleol ledled Cymru i ddod o hyd i landlordiaid ac asiantau nad ydynt yn cydymffurfio. Rydym hefyd yn gweithredu ar adroddiadau a ddaw gan denantiaid, cymdogion, grwpiau eiriolaeth a sefydliadau cyhoeddus.
Mae canlyniadau peidio â chydymffurfio yn cynnwys:
- cosbau penodedig
- methu â chyflwyno gorchymyn troi allan dilys
- camau cyfreithiol sy’n arwain at euogfarn droseddol
- gorchmynion ad-dalu / atal rhent
Cymorth i denantiaid
Mae Rhentu Doeth Cymru yn rhoi cymorth i denantiaid drwy gynnal Canllaw i Denantiaid a’u cyfeirio i wasanaethau cymorth.
Dod o hyd i gymorth i denantiaid.
Adnoddau’r sector rhentu preifat
Mae Rhentu Doeth Cymru yn adnodd defnyddiol i landlordiaid, asiantau a thenantiaid yn y sector rhentu preifat. Gallwch:
- ddod o hyd i ganllawiau a thempledi yn y llyfrgell adnoddau
- gweld ystadegau ar ddangosfyrddau rhyngweithiol i ddysgu mwy am y sector
Mwy o wybodaeth
Ewch i wefan Rhentu Doeth Cymru i gael rhagor o wybodaeth, neu gallwch gysylltu â ni i gael cyngor.
