Mae Tŷ Addison yn Nhredelerch, Caerdydd. Mae gan y cynllun 44 o fflatiau hunangynhwysol, gan gynnwys:

  • 32 fflat un ystafell wely, a
  • 12 fflat dwy ystafell wely.

Mae’r cynllun ar ben Heol Casnewydd, gyda golygfeydd ysblennydd dros Fôr Hafren i’r de a mynydd Caerffili i’r gogledd.  Mae llawer o gyfleusterau lleol gerllaw.  Mae gan y cynllun ddwy ystafell gymunedol wych, a gerddi hardd wedi’u tirlunio gyda phagoda ac ardal eistedd y tu allan. Mae teras to hefyd i fwynhau’r golygfeydd. Mae croeso i breswylwyr wahodd ffrindiau neu berthnasau i aros yn yr ystafell i westeion, sydd â dau wely sengl ac ensuite, y gellir ei harchebu am £10 y noson.

Mae rheolwr y cynllun ar gael yn ystod oriau swyddfa o ddydd Llun i ddydd Gwener i gynnig cyngor ar faterion o ddydd i ddydd ac i helpu mewn argyfwng. Mae gan bob fflat hefyd larwm yn gysylltiedig â Teleofal gan gynnig cymorth 24 awr a sicrwydd pan nad yw rheolwr y cynllun ar y safle.

Outside Ty Addison house

Hygyrchedd y cynllun

Er mwyn gwneud mynediad yn haws i’r holl ddeiliaid contract, mae gan Dŷ Addison:

  • fynediad gwastad a ramp i mewn i’r cynllun,
  • lifft i’r lloriau uchaf,
  • drysau mynediad awtomataidd,
  • fflatiau ac ardaloedd cymunedol hygyrch i gadeiriau olwyn,
  • gardd hygyrch a,
  • rheiliau gafael.

 

Mae Tŷ Addison wedi cael ei achredu gan Sefydliad Cenedlaethol Brenhinol y Deillion am safon golwg tai. Mae’r cynllun wedi cyflawni safon platinwm:

  • trwy ddatblygu gwybodaeth a sgiliau staff yn barhaus, a
  • thrwy greu amgylcheddau cartref sy’n gwella ansawdd bywyd.

Cyfleusterau a mwynderau

Mae gan bob fflat yn Nhŷ Addison ei chegin a’i hystafell ymolchi ei hun. Mae cyfleusterau eraill yn cynnwys:

  • dwy lolfa gymunedol,
  • cegin gymunedol,
  • golchdy cymunedol,
  • lle i wefru a chadw sgwteri,
  • llety i westeion,
  • gardd gymunedol, a
  • swyddfa staff.

Gweithgareddau cymdeithasol

Gall preswylwyr gymryd rhan mewn gweithgareddau cymdeithasol os ydynt yn dymuno. Mae rhai o’r gweithgareddau hefyd ar agor i aelodau o’r gymuned leol. Mae’r gweithgareddau’n cynnwys:

  • bingo,
  • boreau coffi,
  • teithiau dydd,
  • rafflau,
  • prynhawniau sinema,
  • sesiynau crefft,
  • cinio iach,
  • boreau brecwast,
  • gwasanaethau iechyd a lles,
  • dosbarthiadau cryfder a chydbwysedd,
  • defnyddio technoleg,
  • garddio a llawer mwy!

Mae’r rhan fwyaf o’r gweithgareddau hyn yn cael eu cynnal am ddim.

Cyfleusterau lleol

Mae yna lawer o gyfleusterau gerllaw Tŷ Addison, fel:

  • siopau lleol,
  • safle bws y tu allan i’r cynllun,
  • meddygfa,
  • deintyddfa,
  • fferyllfa,
  • mannau addoli,
  • swyddfa’r post,
  • siop trin gwallt, a
  • banc a chymdeithas adeiladu.

Location