Wedi’i leoli mewn ffordd bengaead dawel, mae Llys Sandown yng Nghaerau, Caerdydd. Mae’r cynllun yn cynnwys 31 o fflatiau, sy’n cynnwys:

  • 24 o fflatiau un ystafell wely, a
  • 7 o fflatiau dwy ystafell wely.

Mae gan Llys Sandown ardd brydferth, sydd â phwll pysgod a phagoda i chi eu mwynhau. Mae lle i dyfu eich llysiau neu ffrwythau eich hun os ydych yn dda yn tyfu pethau.  Mae croeso i ffrindiau a theulu aros dros nos yn yr ystafell i westeion, sydd â gwely dwbl ac ensuite, am £10 y noson.

Mae rheolwr y cynllun ar gael yn ystod oriau swyddfa o ddydd Llun i ddydd Gwener i gynnig cyngor ar faterion o ddydd i ddydd ac i helpu mewn argyfwng. Mae gan bob fflat hefyd larwm yn gysylltiedig â Teleofal gan gynnig cefnogaeth 24 awr a sicrwydd pan nad yw rheolwr y cynllun ar y safle.

Sandown Court outside
Sandown Court inside

Hygyrchedd y cynllun

Er mwyn gwneud mynediad yn haws i holl ddeiliaid contract, mae gan Llys Sandown:

  • fynediad gwastad a ramp i mewn i’r cynllun,
  • lifft i’r lloriau uchaf,
  • lifft grisiau,
  • drysau mynediad awtomataidd,
  • ardaloedd cymunedol hygyrch i gadeiriau olwyn,
  • gardd hygyrch a
  • rheiliau gafael

Mae Llys Sandown wedi’i achredu’n llawn gan y Sefydliad Cenedlaethol Brenhinol Pobl Ddall ar gyfer safon golwg tai sy’n cyrraedd safon platinwm trwy ddatblygu gwybodaeth a sgiliau staff yn barhaus, a thrwy greu amgylcheddau cartref sy’n gwella ansawdd bywyd.

Cyfleusterau a mwynderau

Mae gan bob fflat yn Llys Sandown ei chegin a’i hystafell ymolchi ei hun. Mae cyfleusterau eraill yn cynnwys:

  • Dwy lolfa gymunedol,
  • cegin gymunedol,
  • golchdy cymunedol,
  • lle i wefru a chadw sgwteri,
  • llety i westeion,
  • gardd gymunedol, a
  • swyddfa staff.

Gweithgareddau mymdeithasol

Gall preswylwyr gymryd rhan mewn gweithgareddau cymdeithasol os ydynt yn dymuno. Mae’r gweithgareddau’n cynnwys:

  • bingo,
  • boreau coffi,
  • teithiau dydd,
  • rafflau,
  • prynhawniau sinema,
  • sesiynau crefft,
  • cinio iach,
  • boreau brecwast,
  • gwasanaethau iechyd a lles,
  • dosbarthiadau cryfder a chydbwysedd,
  • defnyddio technoleg,
  • garddio a llawer mwy!

Mae’r rhan fwyaf o’r gweithgareddau hyn yn cael eu cyflwyno’n rhad ac am ddim.

Cyfleusterau lleol

Mae llawer o gyfleusterau o fewn tua hanner milltir i Llys Sandown, megis:

  • siopau lleol,
  • safle bws (rownd y gornel),
  • meddygfa,
  • deintyddfa,
  • addoldai,
  • llyfrgell symudol (yn dod yn wythnosol,
  • swyddfa’r post,
  • siop trin gwallt (mae siop trin gwallt symudol hefyd yn ymweld â Llys Sandown bob wythnos),
  • swyddfa dai, a
  • chanolfannau ddydd.

Lleoliad