Mae Llys Brentwood yn Llanisien, Caerdydd. Mae gan y cynllun 35 o fflatiau hunangynhwysol, gan gynnwys:
- 5 o fflatiau un ystafell,
- 29 o fflatiau un ystafell wely, ac
- 1 fflat dwy ystafell wely.
Mae’r cynllun yn agos at lawer o gyfleusterau lleol. Mae ganddo ddwy ystafell gymunedol wych, ac ystafell dawel lle gallwch ddarllen llyfr neu wrando ar gerddoriaeth. Ceir gerddi dymunol gyda phatio ac ardal eistedd y tu allan. Mae croeso i breswylwyr wahodd ffrindiau neu berthnasau i aros yn yr ystafell i westeion, sydd a dau wely seng ac ensuite, y gellir ei harchebu am £10 y noson.
Mae rheolwr y cynllun ar gael yn ystod oriau swyddfa o ddydd Llun i ddydd Gwener i gynnig cyngor ar faterion o ddydd i ddydd ac i helpu mewn argyfwng. Mae gan bob fflat hefyd larwm yn gysylltiedig â Teleofal gan gynnig cefnogaeth 24 awr a sicrwydd pan nad yw rheolwr y cynllun ar y safle.
Er mwyn gwneud mynediad yn haws i holl ddeiliaid y contract, mae gan Llys Brentwood:
- fynediad gwastad a ramp i mewn i’r cynllun,
- lifft i’r lloriau uchaf,
- lifft grisiau,
- drysau mynediad awtomataidd,
- ardaloedd cymunedol hygyrch i gadeiriau olwyn,
- gardd hygyrch a
- rheiliau gafael.
Mae Llys Brentwood yn gweithio tuag at achrediad gyda’r Sefydliad Cenedlaethol Brenhinol Pobl Ddall ar gyfer safon golwg tai. Mae’r cynllun yn anelu at gyrraedd safon platinwm drwy:
- ddatblygu gwybodaeth a sgiliau staff yn barhaus, a
- creu amgylcheddau cartref sy’n gwella ansawdd bywyd.
Mae gan bob fflat yn Llys Brentwood ei chegin a’i hystafell ymolchi ei hun. Mae cyfleusterau eraill yn cynnwys:
- Dwy lolfa gymunedol
- cegin gymunedol
- golchdy cymunedol
- lle i wefru a chadw sgwteri
- llety i westeion
- gardd gymunedol
- swyddfa staff
Mae llawer o gyfleusterau o fewn tua hanner milltir i Llys Brentwood, megis:
- siopau lleol,
- safle bws y tu allan i’r cynllun,
- meddygfa,
- deintyddfa,
- fferyllfa,
- mannau addoli,
- swyddfa’r post,
- siop trin gwallt, a
- banc a chymdeithas adeiladu.
Gweithgareddau cymdeithasol
Gall preswylwyr gymryd rhan mewn gweithgareddau cymdeithasol os ydynt yn dymuno. Mae rhai o’r gweithgareddau hefyd ar agor i aelodau o’r gymuned leol. Mae’r gweithgareddau’n cynnwys:
Mae’r rhan fwyaf o’r gweithgareddau hyn yn cael eu cyflwyno’n rhad ac am ddim.